@CSA_654

Haris

Ask me anything Follow
Ask @CSA_654

Sort by:

LatestTop

Previous

من زمان وانت كان نفسك تبقي IOS engineer كنت متابعك انا هنا وكانت فيه ناس بتاخد نصايحك في كورسات برمجة D:

انا بحب الناس الي ظهرت دي زيكم وتفكرني بالماضي بتاعي وشخصيتي دي. القصة دي من خمس سنين تقريبا كنت فيها مع ناس بجد .. مش عارف بقي هل انت فولور من زمان او كنت بتسكرول داون كتير. D:

اشمعنا ال web development ؟

عشان لما انا كنت صغير كنت مهتم بيه جدا. وفي اولي ثانوي كملت كورسات كتير جدا تمكني اني اشتغل بصورة رسمية. كنت حابب القصة دي بجد يعني. بس مع ضغط الثانوية عليا بدأت ابعد بالتدريج لغاية ما اهملتها.

وضح بمثال طيب

ال Web development مثلا .. بتبقي في أيد خريجين حاسبات ومعلومات. وطبعا معتقدش انه فيه حد اليومين دول بيشيد بكفاءة الخريج المصري. بالتالي نادرا ما بنلاقي web developer كويس. وبنلاقي اغلب الويبسايتس في مصر مصممة بطريقة dull جدا. تحس الي عملها حافظ مش فاهم. مفيش سينس او interaction في الويبسايت. نظرا لاعتماد اغلب الديفيلوبرز علي PHP من قديم الأزل. نادرا ما تلاقي ويبسايت مصممة باحترافيه تحسسك حتي ان صاحبها متمكن من الفيلد .. او علي الاقل بيحبه يعني.

Related users

MostafaFarse’s Profile Photo Mostafa Farse
zeadadel’s Profile Photo Ziad Adel

ازاي؟

يعني لما يبقي عقليات نضيفة لتتسارع انها تبقي دكاتره بنلاقي fields مهمة جدا تم اهمالها. هي كانت مغمورة يعني بس مع تطور عصرنا بقيت indispensable فشخ. كمان بمرتبات سيكسي جدا يعني. ممكن يبقي فيه رواد فيها بالمرة. بس بنهملها بسبب ضغط الاسرة علي الطفل. وبتتساب في أيد اشكال عطلانة او سرسجية جدا ملهاش لازمة. بالتالي الفيلدز دي بدل ما كانت promising وبداية لحكاية جديدة .. بقت حاجة قذرة ومفيهاش اي ابداع. وده بيعمل glitch بدون ادني شك.

كلمة الطفل لازم ياخد المساحة انه يبقي طفل دي عجبتني اوي منك

الي بنلاحظه حاليا ان اغلب الأمهات المصرية بتضغط علي الطفل في مسألة التعليم بس. انه يبقي دكتور وخلاص. وده تفكير منطقي لا تُلام عليه بتاتا. بالتالي بيعزلوه عن العالم الخارجي ويذاكر بس. في اغلب الحالات بيبقي فيه defect في الشخصية بتاعتهم. بيتعامل مع الناس بصعوبة. او بيزعل بسرعة .. حاجات كده انت بمجرد النظر بتستنجها. وده بيأثر بصورة طفيفة وغير مباشرة شوية يعني علي المجالات التانية في مصر.

وضح اكتر

الطفل عموما لازم ياخد المساحة انه يبقي طفل. متضيقش عليه .. ومتضربهوش. يتربي تربية سليمة .. وهكذا بقي. العوامل دي كلها بتساعد في إطلاق أقصي ما لديه وتحديد مستقبله بشكل مبكر. ولازم يحتك بالناس من صغره. سواء ده كان في صورة حضانة او ملعب او مدرسة. لازم يبقي فيه بيئة اجتماعية الطفل يتعامل فيها. وإلا هيواجه عقبات بعد كده في التعامل مع الناس. وهتأثر عليه بصورة واضحة جدا فيما بعد سواء مع تربية أطفاله وزوجته او حتي زمايله في الشغل.

بس الحوار ده مش من صغره

انا محددتش .. انا مش من متابعينه اصلا. لكن في اغلب الحالات بتبقي من الصغر بجد يعني. الطفولة المستقرة عامل مهم جدا بالذات ال social communication شرط يكون نضيف يعني في تكوين شخصية الانسان. وده بيظهر علي المدي البعيد مابين الانسان العصبي والمستقر. الناجح والفاشل .. كده يعني وان كان فيه استثناءات.

بس ده ممكن يخليه يكره الدين الإسلامي من المسلمين والي بيعملوه معاه

الدين ملهوش علاقة ده اولا .. ثانيا وهو الاهم مش انا قلت انه قبل كده مكانتش فيه حاجة تدل علي إسلامه القاطع يعني. بمعني .. مش عايزين نضحك علي بعض. اغلب مسلمين القاهرة مسلمين بالبطاقة اصلا. الدين معاهم مجرد motto بس للاسف الشديد. وزود عليهم ان الي بيحفلوا عليه مش مسلمين بس. هات اي ملحد من بتوع موضة اليومين دول وشوفه بيحب شادي ولا لا. مش هقلك ملحد عن رأي يعني.

يعني شادي سرور ده مثلا اتربي علي تقل الدم من صغره؟

مش كده. انا بتكلم في نقطة الإلحاد بتاعته. يعني الي فهمته من البوست بتاعه انه fed up من التنمر بتاع المصريين عليه وعلي فيديوهاته وكلامه. وده ملهوش علاقة بقرار الإلحاد بتاعه من وجهة نظري. وزود عليهم بقي انه قال هيتغير وبتاع في فيديوهاته وكلام كله هلس كده.

ازاي بيبقي من الصغر؟

شخصية الانسان عبارة عن انعكاس لطفولته. مش بنسبة 100% يعني. بس بيبقي فيه حاجات متربي عليها من صغره بتكمل معاه. او مواقف intense يعني في حياته ميقدرش ينساها سواء بالسلب او بالإيجاب. وهكذا يعني. -طبعا ده باستثناء شادي سرور يعني.-

انت ايه رأيك فيه؟

الحوار ده بيبقي من الصغر يعني. شخصية دمها تقيل .. مفيش SOH خالص يعني في كلامه. الي هو البيرفكت موديل للميديا المصرية. تافه ومعندهوش اي شيء هادف في كلامه او محتواه واهم حاجة ماشي مع الأجواء او بيطبل. وقياسا علي ذلك يعني.

انت كنت متابعه ياحارس ولا لا

انا كنت بشوف السف عليه في الكوميكس وعرفته من هنا. وكان purposeful بصراحة يعني. حتي أغانيه من مفيش صاحب دي. او فيلمه بتاع 2016 ده. او حتي الفينز بتاعته ملهمش اي ميتين لازمة اصلا.

ايه رأيك في الحاد شادي سرور؟

ميهمنيش ال act ذات نفسه. كونه الحد او اسلم يعني. الي عايز يلحد يلحد مش قصتي. بس القصة ان الواد ده اصلا هايف. وبيدل اكتر واكتر ان السوشيال ميديا المصرية بتدي للي ملهوش قيمة سعر. انا شايف انه عايز يجذب الأنظار بس ليس الا يعني. لانه لما كان مسلم مكانش فيه دليل علي كده. او حب يجدد يعني ويلبس الشخصية ال bad ass.

اغلب مصاريفك بتطيرها علي جسمك ولا ايه؟

هو اهم حاجة النضافة الشخصية بتاعتي يعني. دي اهم اهم اهم حاجة يعني في الحياة بتاعتي. بعدها الدايت وجسمي الي انت بتحكي فيه.

ايه اخبار الممشي التجاري معاك D:

بدأت احبه والله .. بيشغل أغاني ام كلثوم في الوقت الي زي ده. غالبا لما ازاكر يعني الصوت بيهدي اوي عندهم وبيشغلوا أغاني قديمة حبتين.

انا اول ماشوفتك في الكلية وليك هيبة كدة بجد يعني اي حد يلاحظها بخاف منك ومن نظرتك وحتي صوتك عشان كده بسال

ماهو عموما انا مبحبش الجواب علي الاسئلة زي دي. بس الحوار ده اتكرر لدرجة تقرفني شخصياً. من اول ما سكنت في قنا وأي حد يشوفني يقلي انت مكشر ليه. مش بتتكلم ليه. وبتكرار يعني ياريت مرة واحدة بس. انا قرفت بصراحة خلاص .. عشان كده بجاوب واحكي القصة من اولها.

قرف ليه

عشان مش متعود علي كده. ثانيا وهو الاهم انا حياتي يغلب عليها طابع الجدية يعني. دايما مابحب اخد جنب لوحدي كده واقعد ساكت. والموضوع عمره ماكان محتاج psychologist. انا طبيعي كده.

بس انا احيانا بشوفك بتهزر وتضحك عادي

في كليتي ناس كويسة كتير عموما يعني. ثانيا المحترم محترم مهما اختلفت شخصيته. بالتالي بحاول يعني أ fit in شوية. لكن الضحك ده بيبقي مش من القلب بتاتا. وبتبان فيا بوضوح. بتبقي ضحكة بقرف كده.

Next

Language: English

4.1

1,266,418 reviews
© Ask.fm 2024