شوفت حلقة جيم او ثرونز الجديدة!
مش مهتم للحق.
Ask @CSA_654
Previous
ربي دقنك وسيبها بدل مابتحلقها كده
مبحبش شكلي في الدقن عموما.
امتحانك بكرة
لا معنديش امتحان بكره الحقيقة.
Related users
طب ايه نوع البن الي بتشربه
بن شاهين .. واحيانا بجيب بن العميد. وفيه بن بجيبه من القاهرة الحقيقة بيبقي ممتاز جدا. ده بالنسبة للبن العادي المحوج -بالمناسبة انا مش بحب البن السادة-. إنما بقي بالنسبة للباقي بحب البن الفرنساوي في اول الصبح كده او بن بالكراميل بجيبه من القاهرة برضو. بس الاخير بطلت اشربه مؤخرا.
مش كده كتير
لا الحقيقة .. انا مقتنع بالوضع ده. ومعنديش تجاهه مشكلة. ميمنعش الحقيقة اني عايز ابطلها او اقللها .. بس اخدت علي كده خلاص.
القهوة بتشربها كام مرة ف اليوم
علي الاقل اتنين او تلاتة.
ليه مالهم بنات طب انت مش ف طب ولا ايه؟!
انت ليه بتسأل عن البنات كتير كده؟
يعني انت مش بتلقح كلام اهتمام ع الفيس؟
انا كنت متأكد ان جنوب الوادي دي فلاحين .. بس مش بالصورة دي الحقيقة. هو كابشنز فلورنيس ممكن تدي انطباع اني بلقح لكن في الواقع لا. انت بقي عايز تاخد الانطباع ده خده. انا مش مهتم اوي بصراحة.
ايفينت تالينوتما شوفت فيه حد كان نفسك تشوفه ؟
لا. يابني يوم ما تيجي تهتم بواحدة تهتم بواحدة من طب؟
الي معاك ف الكلية مين احسن منهم
من حيث تصرفاتهم في الكلية ناس الاقصر شبه مش بتعامل معاهم اصلا بس فيه منهم كويسين معايا. الي معايا في طب قنا دول مكملين معايا من الاعدادية اصلا. بالتالي هما احسن معايا يعني. الحقيقة مش بحب المفاضلات عشان كلامي ميتفهمش غلط، لكن الحكاية كلها انه مبدأ التعميم المفروض يبقي activated عندك.
ناس الاقصر احسن ولا قنا بالنسبالك
انت تقصد ايه من الاخر كده؟
انت بتحب الاندرويد ولا ال IOS ؟
حاجات وحاجات الحقيقة يعني علي حسب السمارتفون. انا مش بهتم اوي بالقصة دي يعني طالما ال specs مقنعة بختار المقنع اكتر.
من زمان ازاي
قصة ان الفانز بتوعي يبعتولي يعني انت ليه مكشر وكده واضحك في صورة دي قديمة. من قبل مادخل ثانوي اصلا يعني. الحكاية دي كانت بتكرر علي الاسك هنا من زمان للحق. وكنت بجاوب بنفس الانسر رايت داون بيلو يعني. :D
بس سيبك شكلك وانت بتضحك عسل
قعدت من زمان اقلكوا مش هتعرفوا تقاوموا جمالي مفيش واحدة فيكم صدقت. :D
ليه مش راضي طيب
فيه ميدتيرمات وعملي غلطت فيهم يعني وكده.
هو انت ليه مضغوط او بتقول انك مضغوط الفترة الاخيرة
هو الموضوع مش serious فشخ زي مانت متخيل. ثانيا بلاش تركيز معايا يعني. اي طالب في الجامعة بيبقي احيانا مضغوط. نفترض انك طالب مغترب مثلا .. مانت كده مضغوط. نفس القصة في فترة معينة في حياتك كده بتبقي مضغوط. عادي يعني الحوار مش شخصي للدرجة الحقيقة. زيي زي اي حد يعني. والموضوع مش حجة يعني عشان متقعدش تبعتلي كتير هنا. مش من ضغطك عليا يعني انت نكرة بالنسبالي. بس عشان المفهوم يبقي واصل صح ليك. او عشان ميبقاش فيه فكرة اني عايز اغفل وشغل الفلاحين بتاعكم في الجامعة ده.
راضي عن نفسك ومستواك ف الكلية؟
لا.
انت بتلقح كلام علي الفيسبوك ؟
لا ياعم. لا ياحبيبي.
What is the most unexpected thing that happened to you this week?
ياعم انت عايز مني ايه بس قلي؟ D:
انت مش ملاحظ ان عيد الام عدي عليه شهر وانت الي لسه افتكرت تجاوب عليا!!!!!!
مكنتش فاضي ادخل في نقاش وقتها الحقيقة. او مكانش ليا مزاج يعني. بس حطيت في دماغي اني اجاوب علي السؤال لانه يستحق النقاش فيه .. وطالما حطيت في دماغي حاجة بعملها. وللأمانة صيغتك في السؤال بتاع التشبه بالاغيار عجبتني الي حد ما.
يعني كده من وجهة نظرك عيد الام مش حرام؟
انا مجبتش في سيرة حرام او حلال في اي كلمة قلتها ده اولا. انا اتكلمت في بند اذا كان الشيء بدعة او لا. والبدعة بدورها تنقسم لبدعة مستحسنة وبدعة مكروهة. ده اول شيء عايزك تحطه في بالك. تاني شيء وهو الاهم انه عيد الام بدعة مستحسنة. قلنا اكتر من مرة الإسلام كرم المرأة آلاف المرات وبالذات الام. وطول مانت عايش مش في يوم واحد بس. الشيء الوحيد الي عليه تعليق من وجهة نظري في القصة دي هو اليتيم. لانه بيثير فيه حفيظة شديدة. وللحق ده شيء مؤلم فعلا في النفس بالنسباله في عيد الام انه امه مش موجودة. دي القصة الوحيدة -الي ممكن- تبقي "مكروهة"، مش محرمة. استنادا للكلام ده بقي عيد الام بدعة مستحسنة او nice touch زي ماقلنا.
بتحب تسمع القران بصوت الشيخ مين؟
هو عبد الباسط عبدالصمد الاساس عندي. في المرتبة التانية بقي محمد صديق المنشاوي.
لحظة واحدة هو مش تعمير المساجد وصيانتها ده يعتبر عبادة اصلا؟ ازاي بدعة وحرام؟؟
هو عمارة المسجد المقصود بيها في الشرع اقامة الصلاة فيه .. والاعتكاف. دروس المسجد .. ذكر الله. وقياسا علي ذلك بقي. لكن الي كنت اقصده هو الزينة -وتحديدا- نقش ايات القران والاحاديث النبوية علي الجدران. مثلا الايه الكريمة "فلنولينك قبلة ترضاها" بتلاقيها في كل المساجد اصلا في مصر بلا استنثاء -واتحداك- لو لقيت مسجد مفيهوش الايه دي. بالتأكيد دي بدعه مكروهة. في مذهب الامام مالك من كتاب المدخل قال فيه" كره أن يكتب في قبلة المسجد شيء من القرآن والتزويق وقال إن ذلك يشغل المصلي وكذلك ينبغي له أن يغير ما أحدثوه من إلصاق العمد في جدار القبلة وفي الأعمدة أو ما يلصقونه أو يكتبونه في الجدران والأعمدة وكذلك يغير ما يعلقونه من خرق كسوة الكعبة في المحراب وغيره فإن ذلك كله من البدع لأنه لم يكن من فعل من مضى". وفيه بعض الفقهاء كمان صعدوا الموضوع انه نقش الايات في المساجد فيه اهانه لكلام الله عز وجل. ده من حيث القران الكريم. من حيث الحديث النبوي فهو مكروه طبعا انه يتم نقشه في القبلة .. من نفس باب تشويش المأمومين في الصلاة طبعا. نفس القصة للشيخ صالح فوزان لما تم سؤاله عن نقش الايات علي الجدران جاوب انها من العبث. وغيره من اراء يعني. لكن من حيث نقش الحديث الشريف في اي مكان غير القبلة هيدخل في بند التشويش برضو والزينة. وهو شيء مكروه. في نظر بعض الفقهاء ان الافعال دي بتخلي المسجد مكان للسياحة الدينية اكتر منه مكان للعبادة. او مكان للزهو والمباهاة يعني. وبمناسبة المباهاة فيه حديث عن الرسول صلي الله عليه وسلم:" لا تقوم الساعة حتي يتباهي الناس في المساجد" يقصد بالمباهاة هنا الزهو والفخر بالشرع النبوي والقران الكريم في المسجد. والي بيبعد عن الغرض الاساسي من تعمير المسجد والمقصود بيه تعميره بالصلاة والذكر والاعتكاف وماشابه يعني.
مش فاهمك خالص
البدعة ليها مصطلح لغوي ومصطلح ديني. اللغوي يقصد بيه اي شيء تم استحداثه ومكانش ليه وجود في عهد الرسول صلي الله عليه وسلم. وليها معني ديني وليها مفهوم تاني من الدين مقتبس من حديث الرسول صلي الله عليه وسلم :"ما احدث في امرنا هذا ما ليس منه فهو رد" يقصد بالرد انه غير مقبول عند الله عز وجل. طيب .. صلاة التراويح دي اصلا مكانش ليها وجود في عهد الرسول صلي الله عليه وسلم -بمصطلحها المتداول- لكن كان بيقوم صلي الله عليه وسلم في الليل وشرع انه يخاف علي المسلمين ان تفرض. وبكده يكون لصلاة التراويح اصل لكن بصورة غير مباشرة .. او بدون اسم حاليا. واغلب الفقهاء رجحوا ان "الاسم -وحتي الفعل ذات نفسه-" من سنن الامام عمر بن الخطاب. بالتالي هي تعتبر بدعة لغويا .. لكن دينيا فيه بعض الفقهاء بيرجحوا انه كان ليها اساس قبله -وده رأي ضعيف-. نفس القصة لتزيين المساجد .. مثلا مسجد الفتاح العليم يعتبر فيه بدعة. واضحة جدا في تصميمه اقصد الصرف عليه .. لانه مكانش موجود في عهد النبي صلي الله عليه وسلم تزيين المساجد. وكمان بتدخل في بند انها شيء مكروه لانه دخل في باب البزخ والاسراف. عيد الام هو مش عيد .. كلمة عيد دي مصطلح بس مش اكتر. هو اسمه يوم الام -او- عيد الام. مجرد مسمي لكن مش عيد بمعناه التشريعي انه عيد زي ماذكر في النص عيد الاضحي وعيد الفطر وعيد الجمعة الي هو يوم الجمعة يعني. طبعا مكانش موجود في عهد الرسول صلي الله عليه وسلم. ولكنه امر بتكريم الام طول مانت عايش. وليه حديث بيقول "لتتبعن سنن اللذين من قبلكم شبرا بشبر وذراعا بذراع حتي لو دخلوا في جحر ضب لاتبعتموهم. قلنا يارسول الله اليهود والنصاري قال فمن؟" طبعا يقصد اتباع غير المسلمين في العادات المباحة الي بتحاكي شرع الدين الاسلامي في غير مسماه. والبعد عن العادات المحرمة. سواء ليها اصل او ملهاش.
طب لو هو بدعة يبقي ليه ظهر مسميات انه حرام اصلا وكده
هو عيد اه .. بس مش بمفهومه المتعارف عليه شرعيا. بمعني .. هو فعلا بدعة. دي مفيهاش نقاش. لانه وبكل بساطة البدعة هو اي شيء تم اسحداثه ولم يسبق له وجود في عهد الرسول صلي الله عليه وسلم. وطبعا كل البدع ضلالة. لكن المفهوم الديني المقصود بيه الحرام هنا في البدعة هو استحداث العبادات في الشرع. وهو ده المكروه والمحرم. طبعا عيد الام دخل في مصر -ومنه للوطن العربي الحقيقة- من جهة علي امين هو واخوه مصطفي امين مؤسيين جريدة الاخبار المصرية. ومكانش دخوله مصر علي اساس انه عيد بمفهومه الشرعي. الي هو ليه صلوات ووقفه وزكاه وما شابه. يقصد بيه انه مجرد تكريم مش اكتر واطلقنا عليه بدل يوم الام عيد الام. مجازا فقط مش بمفهومه الشرعي.
Next
