مش فاهمك ازاي بتتعمد كده
فيه حاجة اسمها ال blue ocean effect. وده موضوع بشر كتير بيستغلوه في بيزنيس السوشيال ميديا يعني مثلا شركة سيرك دل سولي واي تونز ونينتندو الشركات دي كلها انقذت نفسها بسبب التكنيك ده. بس مش هو ده الغرض يعني .. ال blue ocean effect ده خلاصته انك تمشي عكس التيار. بشرط انك تقول حاجة بتدي ايحاء انك عايز تزودها او تتمنظر بس انت قدام الانسان الي بيستعرضك ده مش بتزودها .. بلفظ تاني انك تكون politically correct. يعني انا كحارس مثلا طالب في طب. كل الطلبة الي في طب الي ضايفهم علي الفيس مش بيتكلموا عن الطب علي السوشيال ميديا. انا كحارس عايز اطبق ال blue ocean effect ده. اروح اتكلم عن الطب .. الناس هتنقسم كده لتلات اقسام. ناس هتفتكر اني عايز اتمنظر -ودول الغالبية- وغالبا ماهيغلطوا فيا .. وبعدها انا هرد الغلط ده واخسرهم. ودي طريقة سريعة جدا عشان اعرف اميز الناس في الكلية وبتجيب نتايج يعني. حتي هتلاحظ اول مادخلت الكلية اتكلمت عن اصابات بيل. هو انا البوست كنت عامله سيف من قبل مادخل الكلية اصلا. بس ظروف اني انزله جات في الكلية. .. وفيه ناس هتعجب بالكلام -ودول انا عاوزهم- او بمعني اخر شيء حلو يبقي فيه ناس هتعجب بكلامك وتتابعك بعدين. وناس تانية مش هتهتم ودول قليلين يعني. في التلات حالات دول انا الكسبان لاني مغلطتش في حد. انا بتكلم عن موضوع عام .. وبعدين كلامي مبني علي ابحاث علمية يعني انت لو تعبت ودخلت علي جوجل هتلاقي الكلام الي بقوله كله بالنص يعني انا مش بجيب حاجة من عندي. ولو سألتني انا هستفاد ايه هقولك انه انا بكره الناس التوكسيك الي بتتدخل في شؤون غيرها. وطبعا الناس دي هتلاقي منها كتير في جامعتنا .. وعلي فكرة الناس دي خطر يعني بتجيب مشاكل بالهبل ومن مفيش يعني. فانا باختصار كده خلصت منهم في اول سنة. وكونت علاقات مع ناس كويسة. وانا اساسا مستفز يعني الناس الي اتضايقوا مني دول بيتكلموا عني كتير .. مش بيشتموني ولا حاجة بس بيقولوا زيك كده حارس بيزودها ومش بيزودها وحاجات زي كده. هما كده شهروني يعني وبالفعل ده حصل. ناس كتير بعدها جات تابعتني وبتسألني هنا. يعني الموضوع جاب نتيجة. بس مش هو ده الغرض الاول يعني انا توقعت انه ده هيحصل بس مش نتيجة لده. وبعدين انا مش اتنشن هور يعني انا بتكلم علي البيدج بتاعتي مروحتش لحد. بالتالي مفيش غلط ممسوك عليا. وفي نفس اللحظة الغرض من ال blue ocean effect ده مش اني اتشهر .. لو عايز اتشهر كنت دخلت علي جروب الدفعة وكمسا وخربتها. ده -technically يعني- اسهل بكتير. بس الغرض منه اني اعرف الناس التوكسيك الي بتتدخل في شؤون غيرها وابعد عنهم. والموضوع نجح يعني.
