هو اسمه عندما بكي نيتشه .. غلطت فيها يعني بس هو لارفين يالوم والترجمة عظيمة جدا. انصحك جدا بالكتاب ده حتي لو غالي عليك استلف واشتريه. المهم تتصرف لازم يبقي معاك يعني
لو عندكم حاجات تافهة علي السوشيال ميديا انا مرحب بيها .. الهري ده والهجص مبحبهمش. فكك يعني
اخدت دورات بحث علمي ولا لا؟
لا .. انا حتي الان مخدتش ولا دورة خاصة بحياتي المستقبلية. ولا بحث علمي ولا غيره عمري ماخدت دورات في اي حاجة حتي الان للاسف. حتي الاسعافات الاولية مخدتهاش.
ليه مشتريتش مكملات حتي الان؟ كان زمانك هالك بيها والله.
الفلوس متتحطش في المكملات .. من وجهة نظري اجيب بالطو او بنطلونين جينز افضل. وبعدين انا مش هدفي اعمل فورمة اصلا. هي جات معايا كده. انا مروحتش الجيم عشان نفس السبب بتاع اغلب الشباب. الي بيتخلص في السكس باكس وصورتين علي الساحل. الحكاية معايا مش كده خالص .. انا كنت رفيع لدرجة ان القمصان مكانتش كويسة عليا. عشان السبب ده روحت الجيم. انا بطبعي لما اعمل حاجة بحب اعملها صح .. مبحبش الاستهتار او حتي المنظرة وخلاص. يعني بحب اعرف انا بعمل ايه او يبقي عندي خلفية كويسة عن الموضوع. وهو ده الي حصل والي بيحصل معايا. مش في دماغي قصة اني ابقي هالك يعني او ضخم جدا.
ماهو علي حسب انت بتحب ايه يعني .. هكذا بكي نيتشه ده كتاب خرافي يعني سواء ترجمة او اسلوب او حتي كونتنت يعني. ده غير ان الفلسفة موضوع ممل وخنيق اصلا يعني انا مبحبهاش بس الفكرة فكرة تغيير يعني. لو زهقت منه ممكن تقرا كتاب اخر الشهود سفيتلانا أليكسييفيتش الكتاب ده عظيم برضو. فيه الاخوة كارامازوف برضو ل فيودور دوستويفسكي. الكتب الي بقلهالك دي لا غبار عليها يعني هتلاقي اغلب الناس بترشحهالك اصلا. اقراهم الاول وممكن اقلك علي الحاجات ال hits بالنسبالي انا شخصيا.
في الغالب من تنمية في طلعت حرب .. وسعات بطلب اونلاين من بيت الكتب الي في اسكندرية. ده لو الكتاب عربي. لو انجليزي بجيبه من مكتبة الجامعة الامريكية. بالذات مكتبة الجامعة الامريكية دي يعني انا بستمتع بنضافة الكتاب اكتر من الكتاب ومحتواه اصلا. بالذات لما يبقي كتاب عن التاريخ سواء الحرب العالمية الثانية الي تعتبر اكتر موضوع بحب اقرا عنه او قريت عنه في حياتي يعني او غيره.
الكتب حاليا اسعارها بقت عالية جدا عشان تجيبلك كتاب من دار نضيفة او بترجمة محترمة سواء صالح علماني او غيره. ثانيا احنا في الصعيد عندنا مفيش بوكستور كويس ولو فيه هتلاقي السعر منخفض بالتالي بتضطر تشتري من بحري وفيه اسعار شحن وبتبقي غالية برضو. الحاجة التالتة انك لو قريت هتعرف ان العالم كله في الاساس قايم علي الوحشية والعنف. وان فيه مجتمعات علي رأسها المجتمع الامريكي -الي بيمثل اقوي اقتصاد وجيش في العالم- قايم علي العنف والعنصرية واكيد حادثة جورج فلويد بتأيد الكلام ده. يعني الحياة وسخة مش لطيفة يعني ده لو انت مرهف الحس. الاديان بقت في البطاقة بس .. وهكذا يعني.
والله انا مش عايز نسوان .. خلاص انا قرفت من النسوان. بقيت زي فريدريك نيتشه في الحوارات دي.
ليه مش بترد الشتايم ولا بتتكلم علي المواضيع دي طيب
ملهوش لازمة الحقيقة .. انا اي موضوع بيحصل معايا او اي دليل بيطلع علي الناس ممكن يضرهم بشيله علطول. مش بمسك ذلل او بقعد اردح وارد يعني. ببساطة الواطي هيرد عليه واحد واطي زيه. انا عن نفسي بسيب الشخص الي قدامي يهاتي مع نفسه. لكن كون اني ارد علي حد واطي وانزل قيمتي لقيمته او ادي للناس حاجات تخليهم يهروا عليه لاخر عمره فدي حركات مش بتاعتي يعني ومعملتهاش ولا هعملها. كله عشان ربنا مش عشان حد.