ما هو الألم الذي لا يمكنك تحمله ؟
ما بعرف شو الجواب على هالسؤال.. بحس أحياناً انو كل وجع بذروته بيجيك هاد الاحساس أنو خلص ما عاد تقدر تتحمل.. وأحياناً بيجيك على وجع صغير بنظر غيرك أنو ما بيستاهل وما بيجيك على وجع كبير قليلين اللي ممكن يتحملوه.. الوجع هو الاحساس الوحيد اللي برأيه ما بتقدر تخدره لأنه بينبع من جوا مو من برا متل احساس البرد والحر وغيرهن.. الله بيعطينا الأوجاع اللي بيعرف أنو منقدر نتحملها بس هيك بيحكو الناس الحكيمة.. بس إذا كان هالشي صح ليش في ناس بتوصل للموت حتى ترتاح وما بترتاح؟.. معقول الموضوع قضية صبر بس وأنو مافي شي بالحقيقة ما منقدر نتحمله.. سؤال تاني.. كيف بتسمي عمر قايم كله عالتحمل حياة؟.. ولا هي قصة رضا وقناعة؟.. كيف بيقنع الواحد بشي هو رافضه جملة وتفصيلاً.. طيب الرضا والقناعة مو هو تعبير لطيف ومرادف للصبر والتحمل أساساً، لأنك لو فعلا مرتاح ما كنت رح تحتاج تذكر حالك أنو لازم ترضا وتقنع..
Liked by:
Rshad
