#يونيو

*
استقبالي للسؤال دا بضحكة قصيرة.. اللي هو انا عشت وسطهم عمري ومفهمتش، وقعدت سنتين بقرأ في تاريخ الحركات وتاريخ الاخوان وبعدها سنوات م التجربة عشان اقدر افصل بين المنهج والحركة والأفراد.. فهاجي دلوقتي وهنا اقول ايه 😃
.
بس هجاوبك ع النقطة دي اختصارا.
وجود الحركات أمر مهم وضروري جدا لعملية التغيير والتقدم داخل أي أمة أو دولة.
وحركة الاخوان كانت بدايتها حركة إصلاحية، سموها ببدايات الصحوة الإسلامية، في وقت كان اندثر الإسلام شكلا ومضمونا، انتهى عصر التمليك وانتهى الاستعمار الحربي، وبدأوا مرحلة جديدة من الاحتلال الثقافي السياسي، انت نظاميا خاضع لامريكا وثقافيا تحت تأثير القوة الغالبة.
البداية الفعلية بدأت مع رحلات باريس ورفاعة الطهطاوي، بس الأثر الحقيقي كان مع ثورة يونيو واحتلال عبدالناصر.
ليه برغي في النقط دي؟
عشان لو بتدوري ع تاريخ جماعة، فضروري تعرفي البيئة اللي نشأت فيها والأسباب اللي أدت لظهورها.
الإمام البنا بدأ بدروس وعظ ع المقاهي، ينصح الناس تصلي وتصوم وتعبد ربنا وحق فلسطين وضرورة مقاومة اليهود.. وبعدين اتجمع حواليه عدد م الشباب فكانت نواة الاخوان المسلمين، الشباب دول انطلقوا في المحافظات بيدعوا الناس للتوحيد، وبدأ الجمهور يكبر لحد ما بقى في مجلس ثابت للإمام " حديث الثلاثاء"
وسافر لعدد م الدول الإسلامية، وبدأت تتكون نواة للإخوان في كذا بلد، ع رأسهم السعودية، وسوريا والجزائر.
وكان للإخوان تنظيم حربي، الدولة ع علم بيه وكانوا بيحاربوا ع الجبهة ضد اليهود مع الجيش، بل بالعكس كان النصر دوما حليف جبهة الاخوان، ودا التنظيم اللي عبدالناصر استغله وقضى عليه.
قتلوا الإمام البنا، وقضوا ع الحركة والتنظيم، لكن كان الفكر انتشر وكطبيعة اي فكر بيتغير تدريجيا لحد ما تلاقي نفسك في النهاية بعيد عن الفكرة الأصلية.
عبدالناصر مقضاش ع الاخوان، لكن قضى ع الفكرة الأم، وطلع من صلب الاخوان جماعات كتير زي القبطيين نسبة لسيد قطب والطليعة لمروان الحديدي في سوريا وحماس في فلسطين " حماس هي أقربهم للفكر الحالي، الباقي مختلف جذريا"
وظل الإخوان بفكر الهضيبي وعودة بيلعبوا سياسة مع النظام ويقدموا تنازلات وعايشين حالة شد وجذب لحد أحداث ٢٠١٣.. لما افتكروا انهم يقدروا يوصلوا للحكم في عمق دولة ناصرية بامتياز " طبعا هما كانوا مفكرين انهم بيلعبوا سياسة بس الحقيقة كان بيتلعب بيهم "
دا الموجز🐸

View more