إعتذار واجب إلى تاجر المُخدرات الذي كُنت أعتقد أنهُ أشر الناس و أفسدهُم حين كُنت طفلاً ، مرّت أعوام ، و إكتشفت أنك خير الناس جميعاً و أكثرهُم صلاحاً ، فسلاماً عليك أينما كُنت 💜
لما ربنا يوسع عليك ؛ هات لوالدتك مرتبة حديثة جميلة تريَّح جنبها الكريم عليه، وصلَّح لها الحمَّام والمطبخ اللي بايظ أو حدِّثه ،وممكن تبيَّض لها الشقة كمان ، وتعهَّد هدومها البيتية والخارجية وحذاءها الشريف ، ومرَّة بطانية ومرَّة سجادة ، ومرَّة تصلَّح دولاب ومرَّة سرير ومرَّة جهاز ، ولو بسط لك ربنا في رزقك أكتر ؛ اجبر خاطرك بخاطرها في شيء من دهب. واتحف والدك الجليل بنضارة غير القديمة دي ، وكل فترة اشتري شيء بيحبه ، وركز أكتر في اللي بيحبه أكتر ، والشيء اللي مش ممكن يطلبه ، وراجع حتى غياراته وشراباته العزيزة ، وكل ما تخلَص إزازة ريحته هاتله واحد جديده ، أما دواؤُه فأولى من المياه اللي بتشربها . اوعى تتصور إنهم خلاص أكلوا كل شيء، وشربوا كل شيء، وإنك أولى بالحياة منهم. هم أولى بكل جميل وجديد في الحياة، هم أصلًا الحياة، واسأل اللي فقدوهم.
اه كله نصيب ومكتوب بس احنا اوقات بنعلق اخطائنا علي شماعة النصيب
اللي عاوز يوصل لحاجه بيعافر عشان يوصلها
لازم يتعب عشان يحس بطعم الحصول عليها
اللي عاوز حاجه بيحارب اي عقبه في حياته عشان هدفه وامنيته ويدعي ربنا انها تكون من نصيبه وفي نفس الوقت حاططها ادامه امنيه
ولاايه !!
طبعا .. بس كل حاجه قضاء وقدر .. النهايه لى الاسف بتكون بؤس . والناس بتحارب علشان حلمها وفى الاخر مابيحصلش نصيب برده
لما يكون فيه شخص انت بتحب تكلم معاه كل ما تقرب منه هو يقرب يبعد يبعد اكتر من الاول ونرجع تاني نبدا من الاول ويبعد نقرب اكتر ويبعد تكون تايهه مش عارف تعمل اية تبقي عاوز تقرب تاني بس تبقي خايف خايف يبعد تاني
ساعات بقرأ كلام من ناس سواء تفاؤل نصيحه ومش بيلمس قلبي بحس ان صاحب الكلام كاتبه مش من قلبه كلمتين حافظهم و خلاص ،كلامك عكسهم طلع من القلب للقلب زي مابيقولوا نقاء قلبك باين في كلامك ربنا يرضى عنك ويراضيك 🌸
مبسوط جداً إني شخص خفي في حياة الناس ، اللي هو عايز تكلمني ماشي ، مش عايز براحتك ، عايز تحكيلي إتفضل ، عايز تتكلم بجد أو تهزر أو تشوفني أو مش عايز أي حاجه من دول مفيش مُشكله بردوا ، الواحد بيعدي خطف كده لا بيأثر و لا بيتأثر