عزيزتى /..... إزيك .. قولت أكلمك .. جيتى على بالى إنهارده فقولت أطمن عليكى .. انا عمرى ماعملت حساب إن ابقى وحيد .. لذلك أنا وحيد دلوقتى ولا عملت حساب الكتمه فى الغرفه واكون وحيد ...يانجوم الليل أنا وحدى لكن هنا ..رافض ذنوب البكا تمحى اللى باقى .. عارف معنى الجفا ... ما توعدونى .. او زرونى مره كل عيد حتى .. انا نفسى الامور عندى تتحسن .. اقولك نفسى امورى تتظبط .. هوا إنتى ليه بعيده كدا .. انتى روحتى لحسن الناس يشوفنا .. روحتى حتى من غير وعود ..طب هوا دلوقتى المفروض أعدى كام سما علشان احضنك .. إحنا بعاد ومازلنا بعاد ...البنت دى راحت فين .. قالتى روح ...راحت ياخال لأجل الخبر يروح
أما اللي اعتادوا الفقد، فهتلاقي على وشوشهم ابتسامة ثابتة، كأنهم أسعد مخلوقات ربنا، بيداروا وراها خراب روحهم، بيتحاموا فيها، يمكن ﻷن مبقاش فيه حاجة فارقة، ومش بيتبقى غير التفكير الطويل قبل النوم، والذكريات اللي بتترسم في فراغ الضلمة، والسرحان من الشباك في المواصلات والسفر، والتعلق باﻷفلام وتراكات المزيكا؛ ﻷنها مش هتسيبهم وتمشي.
مع مرور الوقت، بتتعلم إن الاحترام مهم زي الحب، وإن لين القلب أحيانًا بيكون جذّاب أكتر من جمال الشكل، وإن السند في وقت الشدة أجمل من أي كلام حب ممكن يتقال، خصوصًا لو آخره كلام بس؛ عشان مفيش حاجة تعوض إنك تحتاج اللي بتحبه وتبص تلاقي روحك لوحدك.. وإن التقدير الحقيقي لأفعالك الطيبة، من اللي قدامك، أجمل تعبير ممكن عن الحب.
ما مِن شيء قادر على إيذاء إنسان مُفرط في حساسيته أكثر من نَفْسه اللوّامة التي تنفرد به، في نهاية كل ليلة؛ فتحاسبه على كل شيء، على أخطائه وخطايا غيره، وبشكل ما، تجعله مسئولًا عنها كلها.
أجمل ما في الحب هو اللين، إن اللي بتحبه يخليك الاستثناء، يعملك اللي مبيتعملش لغيرك، يلين ليك، ويتساهل شوية وهو عارف إنك مش هتستغل ده؛ فتطمنله، وتلين معاه أكتر وأنت عارف إنه مش هيئذيك؛ فالمركب تمشي بيكم وكل واحد بيدور ويعمل اللي يريح التاني، مش بيدور على حقه اللي خايف يروح منه؛ لأن الحب، الحب اللي بجد، بيقتل أي خوف.