في حد بعت سوال بيقول الفلوس اكبر عامل البت بتدور عليه في الشاب ، من وجهه نظرك انت كل طرف فيكوا بيدور ع اي بالنسبالك؟!
الفلوس وسيله مش غايه .. اى حد غايته الفلوس اجتنابه شئ كويس لأن لو حصل شئ ممكن يعدى عليك مقابل هدفه .. اما بالنسبة الواحد بيدور على حد يكمله يلاقى فيه نفسه ..الموده والرحمه اتشالت نهائى من اى مقياس .. لو الناس اتعاملت بموده ورحمه كل واحد هيلاقى نفسه ..بس للأسف الزواج حاليا إلا من رحم ربى اصبح زى بيع وشراء وفصال وحاجه زفت بكل المقاييس
قانون رفعت اسماعيل رقم 123 لو حد حب يقرب منك، وانت قابل ده .. ياريت متصعبهاش عليه، وأبعد عن مبدأ أتقل حبة تزيد محبة لان كده هتبقي انسان غير سوي نفسياً، تجاهلك هيخلي الطرف التاني يفقد شغفه، ويشوف حياته في سكة تانية وانت عايش في وهم انك بتعلقه بيك أكتر، اللي بيستني كتير بيفقد الرغبة حتي في الحاجة اللي استناها .. لذة الشئ في توقيته.
قانون رفعت اسماعيل رقم 124 فرق كبير بين الحاجة اللي إحنا عاوزينها والحاجة اللي إحنا محتاجينها.. قبل ما تفكر في اللي راح منك واللي عاوزه يرجع لك زي ما هو، خليك واثق ومقتنع " ربما منعك ليعطيك" بيمنع عنك الشيء اللي هو شايف وعارف إنه مش هيريحك، دي مش سكتك، ده مش الشخص الصح.. عشان يحط ف طريقك الحاجة اللي تناسبك هو أدرى باللي جواهم وبيك منك، فكن واثق في جبر ربنا ليك لإنه جاي.
قانون رفعت اسماعيل رقم 131 أى قرف بيتشاف بيبقى سببه الرئيسي إنك استضعفت نفسك أو قللت منها!.. محدش هيشوف قيمتك لو انت مش شايفها، ولا حد هيقدرك لو انت مقدرتش نفسك.. البداية دايماً من عندك.. ماتنتظرش من غيرك اللي انت مش مديه لنفسك.
قانون رفعت اسماعيل رقم 133 في نظرية بتقول إن انشغال ذهنك بشخص ما دليل على انشغال ذهن ذات الشخص بيك، وبغض النظر عن صحة الفكرة، أو محاولة تحديد بداية الحلقة المفرغة دي، عمرو دياب بيوثق الفكرة ببساطة وبيقول: أغيب وأقول ده زمانه نسيني، ما هو لو ينسى حينسيني، طول ما هو فاكر هفضل فاكر أيوا أومال أنا بسأل ليه!
قانون رفعت اسماعيل رقم 134 في مرحلة معينة من الحب ممكن نسميها " غباء المشاعر ".. لما اللي بيحب بيوصلها خصوصاً لو فقد الأمل في الطرف التاني بينسي نفسه تماماً ، وبيتجاهل مشاعره باستمرار .. بيبتدي يقول " مش مهم أنا " كتير ويقول " المهم هو " أكتر . بيبتدي يشوف الأمان الحقيقي بس في " وجوده " والأمان الأكبر في تأكيد استمرار الوجود ده بأي صفة .. بس يستمر :') بيبتدي يشوف السعادة الحقيقية في ضحكته .. وسعادته هو تحصيل حاصل قصاد إنه يشوفها ماليه وشه .. بس رغم كل ده بيفضل طول الوقت مرعوب .. طول الوقت بيسأل سؤال واحد بس " يا تري امتي هيقرر يختفي من حياتي
قانون رفعت اسماعيل رقم 133 في نظرية بتقول إن انشغال ذهنك بشخص ما دليل على انشغال ذهن ذات الشخص بيك، وبغض النظر عن صحة الفكرة، أو محاولة تحديد بداية الحلقة المفرغة دي، عمرو دياب بيوثق الفكرة ببساطة وبيقول: أغيب وأقول ده زمانه نسيني، ما هو لو ينسى حينسيني، طول ما هو فاكر هفضل فاكر أيوا أومال أنا بسأل ليه!
قانون رفعت اسماعيل رقم 127 لما تيجي تختار الشخص اللي هيشاركك الباقي من عمرك ، اوعي تختار شخص قاسي مهما كنت بتحبه ومتعلق بيه .. دور ديما على صفة " الحنية " ، الشخص الحنين اللي يهون عليك صعوبة الحياة ومشاكلها وضغطها ، الشخص اللي بيعرف يطبطب ويداوي ويحتوي ويحس بيك ويراضيك ، الشخص اللي لما تُقع تلاقي ايده ممدودة ليك ، ميدكش فرصه تدور علي ايد حد غيره عشان تسندك وتقوم .. كل حاجه ممكن تهون وتتعوض .. الفلوس بتروح وتيجي ، والشكل بيتغير وبنكبر ، ومش بيبقي غير القلب الصادق الحنين ، مش بيبقي غير الحب والاحتواء والحنان والرحمة والونس والدفىء .. وهما دول أهم حاجة في العلاقات...💗
قانون رفعت اسماعيل رقم 129 مفيش راجل بيحب ست بيسيبها. بطلوا تبريرات فارغة ليهم لمجرد إنكم لسه بتحبوهم، معروف إن الرجالة حبهم أقوى من الست، ففكرة إنه يتخيل إنك لحد غيره دي كفيلة تهزمه وتهد حيله؛ فلو بيحبك مش هيسيبك ولو عاوزك هياخدك، ولو حابك تكوني في حياته هيبدأ هو فبطلي فرك وبصي للأمور من عين العقل وقومي شوفي حياتك وبطلي ندب.