مساحه
كلنا في جميع مراحل عمرنا بنكون فاكرين إننا علي درجة عالية من النضج وإن تفكيرنا هو الصح وقادرين ناخد قرارت نتحمل كل توابعها.. بس للأسف مع أول مطب بنلاقي إننا لسة بنتعلم ومش علي درجة كافية من النضج تخلينا نتحمل الصدمات اللي بنتعرضلها و كل أما نكبر ونفكر ف طريقة تفكيرنا زمان بنضحك علي سذاجتنا.. بس حقيقي هي مش سذاجة دي سنة الحياة عشان محدش بيتعلم غير لما يجرب ويتألم غير لما يقرر ويفشل محدش بيتعلم غير بعد مواقف كتير حزن وخزلان وفراق وإبتلاء.. هتلاقي رد فعلك علي موقف معين كان بمثابة مصيبة بعكس رد فعلك دلوقتي علي نفس الموقف بيبقي عادي.. كل اللي إنت عشته زمان هو اللي خلاك إنت دلوقتي.. ولسة هنتغير طول ما في العمر بقية