إحساس التوهان والشتت دا مرهق جدًا، أنت بتسعى وبتحاول وبتركض بكل طاقتك، لكن جواك مش عارف هتوصل لأيه، وهل أنت حابب توصل من الأساس ولا لا، ويا ترى اللي هتوصله دا مرضي وكافي بالنسبة لك كافي ولا هتحس انك ضيعت طاقتك ومجهودك على الفاضي..أنت بتتحرك وبتسعى بكل طاقتك وقوتك وبتمارس يومك بشكل طبيعي جدًا، بتقاوم اليأس، بتقاوم تأخر النتائج، بتقاوم كل الأفكار السلبية..لكن جواك صوت بيسألك من وقت للتاني " أنت عايز اية " سؤال كفيل يخليك تسرح وتفكر في كل شيء وتحس لـ وهلة انك رغم كل المجهود والطاقة لكن أنت واقف مكانك.
ولمّا سألته إيه أكتر حاجة بتخوّفك، رد وقال "خايف أكمل اللي باقي من عُمري وأنا مش سعيد، لمُجرد إنّي مش عارف أسعد نفسي، خايف أفضل مستني الحد اللي هييجي يسعدني، أبص لورا وأتفرج على سنين عُمري اللي راحت وأنا مستني، وفي الآخر ميجيش، خايف أفضل لوحدي، خايف أفضل تعيس"